O CONCELLO DE CAMPO LAMEIRO RECEPCIONA AS OBRAS DO CAMIÑO DO FONDO E O DA CONLA

O Concello de Campo Lameiro recepciona as obras do Camiño do Fondo e tamén o do Camiño da Conla. No caso do primeiro, o Concello de Campo Lameiro logrou 30.318,18 euros de Fondos Europeos canalizados a través do Plan Marco da Xunta de Galicia e que conta co financiamento do “Fondo Europeo Agrícola de Desenvolvemento Rural: Europa inviste no rural” que cofinancia tamén o Ministerio de Agricultura, Pesca e Alimentación e a Unión Europea.

Esta axuda provinte de fondos da Unión Europea permite investir no reforzo da capa de rodadura do firme do Camiño do Fondo en Campo Lameiro a cal favorecerá vertebrar mellor a comunicación interior do municipio, sobre todo en lugares de carácter rural onde a Unión Europea ten un programa para investir de xeito específico co fin de mellora-la calidade de vida dos residente neste ámbito.

Por outra banda, o Concello de Campo Lameiro recepcionou a obra do Camiño da Conla para o cal logrou da Vicepresidencia da Xunta unha axuda duns 28.000 euros para a adecuación deste vial que tivo un coste total duns 40.000 euros. A subvención da Xunta alcanza o 70% do custe total da obra a realizar e o resto correu por conta do Concello de Campo Lameiro.

Con esta actuación o Concello de Campo Lameiro mellora substancialmente esta vía de comunicación e vertebración interior do municipio que se atopaba nunha situación de deterioro importante con presenza de continuos baches e zonas moi afectadas polo paso de vehículos agrícolas e de gran peso.

Dossier fotos camiño do Fondo Campo Lameiro.docx