O CONCELLO DE CAMPO LAMEIRO ANIMA Á MOCIDADE A PARTICIPAR NO CONCURSO AUDIOVISUAL IMPULSADO POLA DEPUTACIÓN BAIXO O TÍTULO “REACCIÓN POLO CLIMA”

O Concello de Campo Lameiro anima á mocidade entre 16 e 30 anos deste municipio a participar no concurso audiovisual “Reacción polo Clima”, que organiza o Servizo de Cohesión Social e Xuventude da Deputación de Pontevedra.

Este concurso ten por finalidade promover a loita contra o cambio climático a través de manifestacións artísticas visuais e, deste xeito, potenciar o talento da mocidade e amosar as súas reivindicacións neste ámbito.

O concurso establece tres premios en metálico: O primiero de 1.000 euros, 600 para o segundo e 400 para o terceiro.

Os vídeos deberán ser inéditos e cunha duración máxima de 5 minutos. Os traballos deberán ser en formato audiovisual e admitirase calquera tipoloxía empregada pola mocidade nas redes sociais ou medios de difusión de natureza similar (instagram, tik tok, youtube, etc.).

O prazo de presentación permanece aberto ata o 13 de novembro de 2020 e as bases pódense consultar no enderezo eletrónico: https://www.depo.gal. Para máis información pódense dirixir ao teléfono 986 80 41 00 (EXT. 41217) ou por e-mail: cohesionsocialexuventude@depo.gal.