ALUMNOS DO CEIP PEDRO ANTONIO CERVIÑO VISITAN A MOSTRA DOS SEUS DEBUXOS SOBRE AS LETRAS GALEGAS EXPOSTOS NO CONSISTORIO
Os alumnos do Colexio Pedro Antonio Cerviño de Campo Lameiro visitaron ao longo da mañá de hoxe o Consistorio e puderon contemplar os seus debuxos adicados a Xela Arias e ao Día das Letras Galegas expostos na planta de acceso e nas cristaleiras do edificio municipal.
A súa chegada foron recibidos polo alcalde, Carlos Costa, e a concelleira Delia Carramal quenes agradeceron aos escolares a súa participación e implicación na reivindicación dun día tan importante para o galego e a cultura do noso país como é o 17 de Maio. Tamén se dirixiron aos mestres para agradecerlles tamén o seu esforzo e colaboración con esta iniciativa de dinamización cultural e reivindiación do noso idioma.
Os colexiales tamén visionaron o vídeo que o Concello editou con motivo do Día das Letras Galegas para homenaxea-la figura da poetisa Xela Arias.
O alcalde, ademais de agradecer a participación dos nenos e nenas nesta iniciativa cultural, felicitounos pola capacidade creativa e ilusión posta para reivindicar o uso do galego e ensalza-la cultura do noso país.
