“Rutas fotográficas polas Terras de Pontevedra”
A Mancomunidade Turística Terras de Pontevedra, no seu afán de dar a coñecer o patrimonio natural e etnográfico do territorio, pon en marcha unha novidosa actividade na que a protagonista é a fotografía.
Realizaranse unha serie de rutas fotográficas temáticas e abertas ao público polos concellos de Campo Lameiro, Cerdedo-Cotobade, Marín, Poio, Ponte Caldelas, Pontevedra e Vilaboa entre os meses de outubro e novembro.
Os participantes nestas rutas que así o desexen poderán nutrir coas súas instantáneas un Fotoblog colaborativo cuxo obxectivo é o de poñer en valor os recursos naturais das Terras de Pontevedra.
Datas e saídas previstas
- Domingo 28 de outubro: Campo Lameiro, ruta onde a paisaxe fluvial é a grande protagonista.
- Sábado 3 de novembro: Ponte Caldelas, ruta para coñecer a fauna e flora do río Verduxo.
- Sábado 3 de novembro: Contemplando estrelas e outros astros no Observatorio Astronómico de Cotobade.
- Domingo 4 de novembro: Pontevedra, paseo botánico pola Finca de Lourizán.
- Domingo 11 de novembro: Marín, micoloxía no Lago de Castiñeiras.
- Domingo 11 de novembro: Vilaboa, ruta polas as Salinas de Ulló.
- Domingo 18 de novembro: Poio, ruta para coñecer as aves, praias e outros recursos da costa.
*As datas poderán variar en función das condicións metereolóxicas.
As saídas realizaranse en horario de mañá, de 10:00h a 14:00h, agás a saída nocturna en Cerdedo-Cotobade (ás 21:30h) e a visita ás Salinas de Ulló no concello de Vilaboa que realizarase en horario de tarde, de 16:00h a 20:00h.
En cada unha das rutas, (a excepción da saída sobre recursos astronómicos que terá un programa diferente), contaremos con profesionais da fotografía e coñecedores do medio natural que acompañarán ao grupo durante todo percorrido.
A fotógrafa facilitará aos asistentes unha interesante serie de consellos para que éstos aprendan a sacar o mellor partido as súas cámaras fotográficas no referente á fotografía de campo: enfoque, profundidade de campo, luminosidade, encadre…
O naturalista será o encargado de informar sobre os valores naturais de especial interese que o grupo se atope no seu camiño durante a realización das rutas.
Durante o trascurso destas saídas de campo, os asistentes realizarán cantas fotos desexen ao longo da xornada.
Fotoblog colaborativo
Unha vez rematadas as saídas, todos os participantes que así o desexen, poderán enviar algunhas das fotos realizadas durante a celebración da actividade ao enderezo electrónico rutasterrasdepontevedra@gmail.com co fin de alimentar un fotoblog colaborativo para divulgar e poñer en valor parte da grande riqueza ratural existente nos diferentes concellos do territorio: https://rutasterrasdepontevedra.blogspot.com/
Que é preciso levar ás rutas fotográficas?
- Cámara fotográfica (e no seu defecto cámara do teléfono móvil).
- Outro material fotográfico do que dispoñas (trípode, flash, monopé, parasol, filtros, etc…).
- Equipamento axeitado a unha xornada de campo: vestimenta cómoda, botas de montaña ou calzado deportivo (evitar sandalias, tacóns, etc.) gorra, paraugas (en caso de choiva), avituallamento…
- É convinte levar algo de auga (ou outra bebida) e un pequeno tentempé de avituallamento.
Inscrición gratuita e obrigatoria
É imprescindible a inscrición previa a través do enderezo electrónico rutasterrasdepontevedra@gmail.com ou a través do teléfono/whatsapp 649012530
O número de integrantes de cada saída está limitado a 20 persoas por rigorosa orde de inscrición.
Máis info:
No enderezo electrónico rutasterrasdepontevedra@gmail.com
ou
o teléfono 649 012 530